شارع من شوارعنا
كتبت رؤية وائل
ذكرى..
د: اشمعنى الشارع ده !
ر:..بيفكرني بيه.
د: ازاي!؟
ر:.."اتصل بيا مرة بعد الدرس بتاعي.. كان عارف اني متضايقه وتعبانه.. قالي تعالي افرجك على حاجه حلوة هتعجبك اوي.. فضل يشدني من ايدي وراه كأنه جارر طفلة هيموت ويوريها حاجه..عارف انها هتبسطها.
وفعلا اول ما شفت الشارع انبهرت…فضلنا ماسكين ايدين بعض واحنا عمالين نتفرج على جمال الشارع، وجمال التماثيل اللي فيه جمال التعبير اللي بيظهروا لينا كل تمثال.
جابلي كتاب من دكان الكتب اسمه "لا تقولي انك خائفه" وتصورنا صور كتير اوي بس متبقاش منهم ولا صوره.."
شارع من شوارع محطة الرمل اسكندرية..
من احلى المناطق المميزة في اسكندرية واللي مليانه بشوارع وسينمات واوتيلات من اشهر الاوتيلات في اسكندرية.
النهارده هناخد شارع واحد بس من شوارع محطة الرمل رصيفه مزين بتماثيل من الطراز الاوروبي. ناس كتير انبهرت بالشارع فعلا وبجماله وبجمال المعنى اللي بيوصلوا كل تمثال.
وتقدر تاخد صور كتير مجانا و"الشعب المصري بيموت في كلمة مجانا دي"، والتماثيل مش مجرد شكل صامت واقف لا ده كل تمثال مجسد حركة معينة من حركات الناس في الشارع أو مشاعر معينة.
والتماثيل دي تمتد بطول الشارع منها شكل الديناصور يخرج من الأرض، وراجل قاعد على الكنبه شايل اللاب توب بتاعه وبيسمع مزيكا، شوية ارانب بيتحركوا، وواحد بيسمع واحد ثاني يعزف على آلة كمان، وفي تماثيل تانية كتير.
بتمنى انكم تروحوا تستمتعوا بالمنظر ده وتاخدوا صور كثير للذكرى متنسوش تقولولي رأيكم
تعليقات
إرسال تعليق