الخلطة بيطا
كتبت-نرنورة:
_ خلطة بيطة بالصلصة !!...بس دي أكلة فلاحي ....متأكد هتقدم دي لإيجو ؟
هي فعلًا أكله فلاحي من ريف فرنسا وبتتسمى في المدن ب
راتاتوي وبتتعرف عندنا في مصر بالتورلي يعني عبارة عن مجموعة خضراوات ولحمة مفرومة محطوطين في إناء فخار ومتغرفين بالصلصة والتوابل وفي الفرن .
طريقة عمل الخلطة بيطا بالصلصة :
هنقطع كله حلقات علشان لما نيجي نرصهم يكونوا بشكلهم ال شوفناه بالظبط وتكون حلقات رفيعة حضري اسكرينك ياست الكُل
عدد ٢ ثمرة كوسة
عدد٢ ثمرة بذنجان
عدد٢ ثمرة فلفل ألوان
كوب عصير طماطم ومعلقة كبيرة صلصلة
بصلة متوسطة
٥فصوص توم مفروم
معلقتين كبار زيت زيتون او نباتي او اي زيت تحبيه مهما كانت دي طبختك وأنتِ بس ال تقدري تتحكمي فيها
شوية زعتر
شبت وبقدونس
ملح وفلفل وتوابل تدلع الطبخة
وكدا يبقا خلصنا من المكونات نيجي للطريقة
مننساش الشيف الصح مريلة ملطشة وكمام نضاف
هنجيب حلة او طاسة ونحط البصلة المفرومة و٥فصوص التوم ونخليهم يدبلوا بس مش زي زهرة شبابنا على الأقل حاجة تكون متفتحة وبعدين ننزل عليهم بالصلصلة ونرش توابلنا ونسيبها لحد متتسبك
أه لو منعرفش يعني ايه تتسبك هقولكم أي يتصاعد منها الماء الزائد ويزداد قوامها سُمكًا
اعتقد مفهومة مش محتاجة حاجة؟
وبعدين نجيب الصنية بتاعتنا بايركس شغال فخار شغال صنية عادية شغال المهم أي وعاء يلم الخضار دا ويسوية ويتغسل بسهولة
وهنبدء نرص اللوحة الفنية حلقة كوساية وحلقة بذنجاناية وحلقة فلفلاية ونعيدها ونعيدها لحد الصنية متكتمل وهنصب الصلصة عليهم بشويش بشويش ونغطيهم بورق الفويل وبعدين ندخلهم على درحة حرارة ٢٠٠ .
ممكن نأكلها مع عيش وممكن نأكلها مع رز ابيض وممكن نضيف اللحمة المفرومة مع الصلصة لو حابين .
تعليقات
إرسال تعليق