كتبت-نرنورة:
معظمنا حاليًا بيقرأ أي أعراض ويقول
أنا عندي المرض الفلاني
أنا مصاب
أنا مريض نفسي
وهكذا من ذلك القبيل ولكن أحنا كلنا فعلًا مرضى نفسية ولكن بنسب متفاوته قد تكون نسبتك مش محتاجة لعلاج كيميائي لكن محتاجة لأخصائي نفسي وهنا بتيجي اللغبطة ماعلينا هنتكلم عن الوسواس القهري .
الوسواس القهري هو جزئين وساوس يعني أيه وساوس "زن" الرغبة الي جواك أنك تعيد نفس ال حاجة مرة وأتنين وتلاتة ومبتكنش مقتنع أنك عملتها ولازم تعيد عليها تاني ودا مش غريب الغريب أنك مش بتكون حاسس بتعب بيكون عندك نشاط أنك تقوم تبص على البوتجاز حوالي ١٠ مرات قبل متنام عشان تتأكد أنه مطفي ودا عشان ترضي مخاوفك وبس وهكذا مثلًا أشهر مثال وهو الخوف من التلوث ناس كتير عندها الموضوع دا وممكن تسيب اي تجمع وتقوم تدخل تغسل إيديها وتعقمها وتهتم بنظافتها جدًا جدًا ودا في أغلب الأوقات شئ مش صح .
القهر بقا هو الي أسلوب هو أنك بتقوم وبتراضي الوسواس دا وبتنفذله طلبه بكل سهولة .
هل ليه أسباب؟ لأ للأسف مفيش اي اسباب واضحة غير أنها بتكون لغبطة في كيميا جسمك أو لغبطة في مخك ناتجة عن تفكير كتير في أمر معين بيخليك تتارجت انك مثلًا لا قدر الله ممكن تموت لو مقومتش غسلت إيدك ٩ مرات دلوقتي .
شعور بعد الأرتياح مبالغ فيه لو غطا الإزازة متقفلش كويس.
وهكذا لكن مفيش طرق للوقاية نقدر نتبعها أننا نتقى شر المرض لأنه زي مقولنا حاجة لا إرادية مش دور برد هنأكله برتقان.
لكن نقدر أننا نواسي كل مريض بالوسواس القهري ونقف جنبه وندعمه ونقوله أن أفعاله القهرية دي مش مؤذية لينا وأنه من حقه يعملها عادي مدام مش بتأذيه ومدام هو كدا مرتاح فليه لأ؟
المهم نطمنه وهو لو اطمن خلاص كدا هيبدء يكون أهدا هيبدء يحب نفسه ويحب الحياة الحب بيطرد الخوف .
الحب بيطرد أي شعور وحش أصلًا .
تعليقات
إرسال تعليق