الوسواس القهري ocd

  بمناسبة أن رمضان قرب تعالوا اقولكم طريقة عمل الزلابية ( لقمة القاضي ) 

كتبت :- ابتسام حسن 

في كتير مننا بيبقي نفسوا في الزلابية ولكن مش بيقدر ينزل أو نفسوا يعملها في البيت وبتكون احسن توفيراً للوقت و التكلفة وصحية طبعاً اكتر من أني اشتريها من بره ، في منها بالسكر أو الشربات أو بأنواع صوصات مختلفة ، فتعالوا معايا تعرف طريقة كل وصفة لوحدها .

طريقة عمل الزلابية بالشربات 

مقادير الزلابية :- 

هيكون معانا 2 كوب دقيق ، رشة ملح ، معلقة كبيرة نشا ،معلقة كبيرة سكر ، معلقة صغيرة خميرة فورية ، معلقة صغيرة فانيليا ، 2 كوب ماء ، شربات ، وطبعاً زيت عشان القلي .

تعالوا اقولكم الطريقة بقا :- 

هتخلطي الدقيق مع النشا و الملح و الخميرة و السكر و الفانيليا في وعاء مع بعض ، هتضيفي عليهم الماء وتقلبي حتى تكون العجينة سائلة واتركي الخليط يخمر ثم قلبيه 

تكوني مجهزة طاسة وتحطي فيها الزيت ويتم تقطيع الزلابية بمعلقة صغيرة مبللة زيت او ماء وتقلي ف الزيت متوسط السخونه ، وأخيراً تخرجيها من الزيت عند اللون الذهبي و تترك دقائق ثم توضع في الزيت مرة أخرى لتصبح مقرمشة 

اخر خطوة توضع في الشربات ثم تصفي وتقدم و بالهنا .

طب لو انا عايزة اعملها بالشكولاته اعمل اي ؟ 

هنزود على المقادير اللي فاتت :- 

2 معلقة كبيرة كاكاو ، ولكن الماء حسب قوام العجينة  .

طريقة التحضير:- 

يخلط الدقيق و الخميرة و النشا و السكر و الفانيليا والملح في وعاء مع بعضهم ، ثم يضاف الماء حتي يكون قوام العجينة سائل غليظ ، تترك العجينة حتي تخمر ثم يضاف إليها الكاكاو ويقلب الخليط مع إضافة القليل من الماء ، تقطع العجينة بمعلقة صغيرة مبللة بالماء أو الزيت ثم تقلي في الزيت وتوضع في الشربات البارد وتصفي ثم تقدم و بالهنا .

ملحوظة " دي طريقة زلابية بالشكولاتة وليس طريقة زلابية عليها صوص شكولاتة " .

طريقة عمل الزلابية ب أنواع صوصات مختلفة 

مقادير الزلابية :- 

نفس المقادير مع وجود صوص شكولاتة ، صوص فراولة ، صوص موز ، كريم شانتي .

طريقة التحضير:- 

نفس الطريقة وبعد إخراجها من الزيت يتم تزينها حسب الرغبة، إذا كانت إضافة صوص الشكولاتة أو صوص فراولة أو صوص الموز أو الكريمة ثم تقدم و بألف هنا ليكم .

واستنوا مننا وصفات حلو و حادق استعداداً لرمضان .