اسهل طريقة لعمل البسبوسة من غير زبادي
كتبت_نرنورة:
في الواقع تعتبر البسبوسة من الحلويات الشرقية ال كلنا بنحبها لو انت مبتحبهاش ف دي مشكلتك مش مشكلتنا المهم هنخش في مقادير بالبسبوسة بدون كلكعه ولا مواعين كتير والبسبوسة شبه الست الاسترونج أندبندت ومان كدا بتفضل ناشفة وماسكة ومحدش يقدر يجيبها تحت سنانه لحد ميقابلها الراجل الدمه خفيف لا مركز بلا ومنصب راجل شربات وعشان كدا اول خطوات البسبوسة اننا نحضرلها كوباية ونص شربات يطروها .
مقادير الشربات :
كوباية سكر
كوباية ونص ماية
عصرة ليمونه
طريقة الشربات :
هنحطهم كلهم على بعض وعلى نار هادية وأول ميغلي نرفعه من النار ونسيبه يستهدا
مقادير البسبوسة :
كوب لبن
نص كوب سكر
نص كيلو دقيق سميد
نص معلقة بيكنيج بودر
نص معلقة فانليا
كوب إلا ربع سمنة
طريقة عمل البسبوسة
هنحط اللبن والسكر والسمنة على بعض ونقلبهم كويس وبعدين نضيف ليهم كمية الدقيق ونقلبهم لحد منتأكد أن كلهم دابو في بعض وبعدين ندخلهم على فرن سخن نص ساعة بالظبط وتتحمر من فوق ومن الاطراف وأول متطلع نسقيها بالشربات .
عاوزين نحط عليها معقلة قشة يا سلام على الطعامة أو حتى نرش عليها مكسرات وبألف هنا .
تعليقات
إرسال تعليق