التخطي إلى المحتوى الرئيسي

 تعالوا اقولكم طريقة الكبدة الاسكندراني  .. 


كتبت :- ابتسام حسن


ورقة وقلم يست الكل وركزي كده وتعالي اكتبي ورايا 


مقاديرك 


هتجيبي نص كيلو كبدة حتة كاملة 

كوباية صغيرة من الخل 

5 فصوص ثوم مفروم

2 قرن فلفل حار

كمون مطحون + كزبرة مطحونة 

ملح + فلفل اسود

رشة جوزة الطيب حسب رغبتك 

طبعا هيكون معانا زيت امال هنشوح الكبدة ازاي ؟


خلاص جهزتي المقادير ؟ تعالي بقا اقولك الطريقة 


في البداية هتجيبي الكبدة و تقطعيها شرايح صغيرة و تركنيها على جنب 


هتجيبي بقا طاسة حلوة كدة و هتحطي فيها شوية زيت بالنظر و هتنزلي بالثوم لحد ما لونه يتغير مش يتحرق ها 

هتكوني مقطعة الفلفل و هتحطيه معاهم وتقلبي شوية و تنزلي عليهم بكوباية الخل الصغيرة

هتاخدي الكبدة بقا و تحطيها معاهم وتقلبي لحد ما لون الكبدة يبقي رمادي هتحطي عليهم التوابل اللي هما ( كمون و كزبرة و ملح و فلفل اسود و رشة جوزة الطيب ) و اعتمدي هنا على التزوق بتاعك 

هتقلبي كويس جدا وبعدين هتحطي عليهم كمية مياه صغيرة جداً تكون سخنة و هتسبيها 5 دقائق أو لحد ما تبقي مستوية وبعدين تقدميها في سندوتشات أو مع مكرونة 

و بألف هنا عليكم .


تعليقات

إرسال تعليق

المشاركات الشائعة من هذه المدونة

الوسواس القهري ocd

  كتبت-نرنورة:    معظمنا حاليًا بيقرأ أي أعراض ويقول  أنا عندي المرض الفلاني  أنا مصاب  أنا مريض نفسي  وهكذا من ذلك القبيل ولكن أحنا كلنا فعلًا مرضى نفسية ولكن بنسب متفاوته قد تكون نسبتك مش محتاجة لعلاج كيميائي لكن محتاجة لأخصائي نفسي وهنا بتيجي اللغبطة ماعلينا هنتكلم عن الوسواس القهري . الوسواس القهري هو جزئين وساوس يعني أيه وساوس "زن"  الرغبة الي جواك أنك تعيد نفس ال حاجة مرة وأتنين وتلاتة ومبتكنش مقتنع أنك عملتها ولازم تعيد عليها تاني ودا مش غريب الغريب أنك مش بتكون حاسس بتعب بيكون عندك نشاط أنك تقوم تبص على البوتجاز حوالي ١٠ مرات قبل متنام عشان تتأكد أنه مطفي ودا عشان ترضي مخاوفك وبس وهكذا مثلًا أشهر مثال وهو الخوف من التلوث ناس كتير عندها الموضوع دا وممكن تسيب اي تجمع وتقوم تدخل تغسل إيديها وتعقمها وتهتم بنظافتها جدًا جدًا ودا في أغلب الأوقات شئ مش صح . القهر بقا هو الي أسلوب هو أنك بتقوم وبتراضي الوسواس دا وبتنفذله طلبه بكل سهولة . هل ليه أسباب؟  لأ للأسف مفيش اي اسباب واضحة غير أنها بتكون لغبطة في كيميا جسمك أو لغبطة في مخك ناتجة عن تف...
إرسال تعليق
قراءة المزيد
   ليلة الإسراء والمعراج  كتبت-نور إيهاب:  كلنا بنتكلم عن عوض ربنا لينا كبشر عادي وبنبقا مزهولين من عطايا ربنا لينا سواء رزق أو شغل أو ولاد أو أهل وعيلة وصحاب كويسين فرص جديدة أنت بكل اخطاءك دي ولسة ربنا بيكرمك وبيعوضك تخيل ربنا عوض رسوله صلى الله عليه وسلم بأيه عن حزنه وآلمه وشدة إيذاء الكفار ليه برحلة الإسراء والمعراج.  كله بيردد على لسانه ليلة الإسراء والمعراج وتلاقي بابا داخل علينا بحلاوة المولد السودانية والحمصية والسمسمية وعلبة من خيرات ربنا وربنا ميقطعلنا عادة...لكن الأهم عزيزي الأب والأم من الحلويات أنك تلم ولادك حوالين منك وتحكيلهم المناسبة وتفاصيلها والدي كان بيعمل كدا . مش هدخلكم في تفاصيل كتير بس نبدء بسؤال مهم وهو ماهو الإسراء وماهو المعراج ؟ الإسراء كما ورد في القرأن الكريم  "سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ [سورة الإسراء:1]." وبتكون الرحلة الرحلة ال ربنا قدمها لرسوله صلى الله عليه وسلم تع...
إرسال تعليق
قراءة المزيد
  العنف ضد المرأة  هبه عادل ✍️ صباح الخير عزيزي انا النهارده مش جايه اقول لك موضوع عن المراه اكمني مراه زيها لا ولا انا مؤيدين للمراه برده لا انا جايه احكي ظاهره بتحصل في المجتمع واحنا لازم يبقى عندنا وعي و ندرك الموضوع قبل فوات الاون وبس وكفايه ظلم بقى.       العنف ضد المراه عرفت الجمعيه العامه للامم المتحده" العنف ضد النساء "على انه اي اعتداء ضده المراه والذي يتتسب ما احداث ايذاء او الم جسدي جنسي او نفسي. ما هي أنواع العنف؟      عنف جسدي ،عنف كلامي ،عنف نفسي ،عنف اقتصادي و الأعمال ويوجد أنواع آخره عنف العشير (الضرب والاساءه النفسيه قتل النساء الاغتصاب الزوجي) العنف والمضايقات الجنسيه (الاغتصاب والافعال الجنسيه القصريه والتحرش الجنسي الغير مرغوب فيه الاعتداء الجنسي على الاطفال) الزواج القصري( التحرش في الشوارع الملاحقه والمضايقه الالكترونيه). ما هي أسباب العنف ضد المرأة؟ العوامل المرتبطه بالعنف ضد المراه انخفاض مستويات التعليم الامر اللي بيرجع للذكور يرتكبون العنف مستقبلا وتقبل الاناث لهذا العنف محدوديه الفرص الاقتصاديه للذكوره العاطلين عن العمل ...
إرسال تعليق
قراءة المزيد