طريقة عمل المكرونة المبكبكة
كتبت :- ابتسام حسن
يعود أصل المكرونة المبكبكة إلى أصول ليبية فهي تعتبر اشهر المأكولات سريعة وسهلة التحضير ، تكفي لعدد أفراد من 3 إلى 5، بتتعمل بكذا طريقة ممكن لحمة أو فراخ أو خضار، مناسبة لجميع الأشخاص، عشان كده تعالوا اقولكم طريقة عملها باللحمة .
المكونات :-
نص كيلو مكرونة ، نص كيلو لحم مقطع مكعبات ، 2 بطاطص مقطعة مكعبات ، بصلة كبيرة مقطعة شرائح، كوب ونص عصير طماطم، 2 معلقة زيت، 2 معلقة كبيرة صلصة الطماطم ، معلقة كبيرة بقدونس ، ملح وفلفل أسود ، نص معلقة صغيرة بهارات مشكلة، قرن فلفل حار ( حسب الرغبة ) .
طريقة التحضير :-
على نار متوسطة هتحطي الزيت في طاسة ومعاها اللحم و ملح وفلفل اسود وتقلبي لمدة خمس دقايق، هتحطي عليها البصل ويقلب حتى يذبل، ضعي عصير الطماطم و الصلصة ومعاهم البهارات وقلبي كويس ثم تضيفي الماء واتركيه حتى تنضج اللحم ، ثم تضيفي المكرونة و معاها البطاطس و ملح وفلفل اسود وغطيه واتركيه على نار هاديه حتي تمام نضج جميع المكونات، ثم ضعي المبكبكة في طبق وزيني بالقدونس وبالف هنا عليكم .
تعليقات
إرسال تعليق