متحف المجوهرات الملكية في الإسكندرية
كتبت: نورهان مسعد
المتحف فالأصل بيرجع للعائلة المالكة من الأسرة العلوية، عمر القصر 102 سنة لما تدخل لبوابة القصر هيرجع بيك الزمن لسنة 1919 ؛ لما بدأت زينب هانم فهمي زوجة الأمير علي حيدر من بناء الجناح الغربي وبعد وفاتها أكملت الجناح الشرقي بنتها النبيلة فاطمة حيدر حفيدة محمد علي باشا (جدها الخامس) وتم الإنتهاء من بناء القصر سنة 1923م .
اتبنى القصر على طراز المباني الأوروبية في عصر النهضة، صممه الفنان الإيطالي "أنطوان لاشياك".
القصر بيتكون من جناحين شرقي وغربي وبيوصل ما بينهم ممر هيخليك تحس انك في عالم تاني اللي بيحب قصص العصور الوسطى و الطراز الاوروبي هيحب المكان اوي، القصر عبارة عن مزيج بين الحضارة القديمة و الجديدة مع زخارف و اساطير اليونانيين و الرومانيين الجميلة، مع لمسة من الفن البيزنطي .
المكان حقيقي هيسحرك بجماله من رسوم على حيطان القصر و غرف القصر اللي متزينة بالفسيفساء و المجوهرات اللي تخطف عينيك، و من ضمن المعروضات هتلاقي قلادة مطعمة بالماس والزمرد تخص مؤسس الأسرة محمد علي باشا، بالإضافة لرقعة شطرنج ذهبية، ومناظير ذهبية متزينة بالماس والياقوت والزمرد وحاجات كتيرة جميلة جدا هستناكوا تكتبوا اللي عجبكوا في ال
"موقع المتحف زيزينيا شارع احمد يحيي قريب من محطه ترام زيزينيا"
"التيكت 20ج والطلبة 5ج"
"بوابات القصر بتفتح من 9ص إلي 4 عصرًا"
تعليقات
إرسال تعليق