الوسواس القهري ocd

ما تيجوا نعرف غلط بعض الأمهات كده .. 

كتبت :- ابتسام حسن

ياسمين عز قالت " متحطيش بروكة علي شعرك حطي جوزك '" 

لا والله ي أستاذة ياسمين شكلك غلطانه و متأثرة كمان برومانسية السقا وهو عامل دور تيمور و ممشي كلمته علي شفيقة ولا كأنه سي السيد في زمانه بس مش ده المهم عارفين اي المهم ؟ 

المهم أن الست تحية " والدة شفيقه "  كانت موافقة الرأي جدا ولا كأنه هو اللي ابنها أنا مش ضدها ولا حاجه بس نبقي مع بعض ف الصح بردو 

ابنها اللي مخلي بنتها تسيب منصبها عشانه  " اهو ضل راجل ولا ضل منصب "  و النتيجة ي ست تحية أن نسبة الطلاق ف البلد زايدة جدا 

هنا حابة أوجه رسالة صغيرة للامهات اللي شبه الست تحية 

لازم الأمهات تفهم أن الراجل مش سي السيد الزمن ده خلاص انتهي و أن بردو مش اي ضل راجل ينفع لبنتك لازم يكون ف اختيار و تفاهم بين الطرفين ولا أنا بتكلم غلط ؟ 

نيجي بردو لنوع من الأمهات مهم بردو 

الست مديحة " والدة تيمور " نسبنا من أنها مامت تيمور خالص مش ده المهم 

المهم بردو أنها كانت موافقة شفيقه  علي اي حاجه من أسلوبها لطريقة لبسها حرية زيادة سيكا يعني و ده ف الأغلب ادي إلى أن اغلب البنات طريقة لبسهم و اسلوبهم مش احسنت حاجه ي ست مديحه .. ياريت كل الأمهات تخلي بالها متبقاش زي الست مديحه بنتك مهمه بردو  

بقولكم اي نسبنا من الأمهات شوية و نتكلم ف نقطة تانيه 

علي الرغم من أن الفيلم حلو إلا أنه ضد البنات ذكوري يعني رفع من مستوي نجاح الراجل و عمل حاجز لسعادة البنت أن لو هتكملي في شغلك تتنازلي عن سعادتك فين المساواة ؟ أنا اعترض و اللي عايز يعاركني يعاركني