عمرو حسن
كتبت رؤية وائل
ذكرى..
"قلبي كأنه صااار حرم ومقاااام شرييف ما يجوز لغيرك يسكنه..الطهر عشقك عشق تاني جوه قلبى.. جوه قلبي يدنسه… العهدة على الراوي يا حلوه…والراوي الصامت متكلم.. كان ما تعلمش من الغنوة، ولكن جه اليوم اللي… اتعلم.
واتعلم… يعني عليه واحدة.
والواحدة مسيرها تتعلم ان اللي مسلم طول عمره لو مدت ايدها ما هيسلم.. ربنا سلم..وجعك سلم آخره تعافي.. بالصدفه لقيت سمك شافي…..السكه اللي تفوتك.. في داهيه"
《فضلت حاطه عيني عليه وهو عمال يسابق الاغنيه بكلامها، حسيته بيطلع الكلام من قلبه..ماهو اصله شاعر قديم.. فاهم وعارف ازاي الكلام ده بيتقال..》
●●:صوته حلو اوي وكلماته تشد كده.
○○:في وقت ما كنا سايبين بعض ما كنتش بسمع غيره، ولا انتِ تفارقي تفكيري.. كانت كل اغنيه بتوصف شعور جوايا تجاهك، وكلمات ببقى عايز اقولهالك.. مجاش في بالي يوم اننا هنرجع ونسمعه سوا قدام البحر وايدك في ايدي…تسمعي حقك عليا؟
●●: ..سمعني
من المعاناه الى قمة المجد.
شاعر مصري بدأ من الصفر حتى وصل للقمه.. كبار وصغيرين انجذبوا لكلماته وطريقته في الإلقاء.
الشاعر عمرو احمد حسن اتولد في 17 أغسطس عام 1987 بحي العصافره في اسكندريه وبعدها انتقل للإسماعيلية وعاش هناك.
والده كان بيشتغل في مجال الترجمه بس بعد تطور أدوات الترجمة ساب مجالها.
تخرج عمرو من كليه التجاره جامعه قناه السويس عام 2010، بدأ عمر كتابه الشاعر في 2004م، وأنتج أول ديوان شعري لي في 2008م بس ما تنشرش وقتها، وبالرغم من كده ما يأسش وكمل في مجال الكتابة لحد ما وصل لمكانة مميزة بين الشعراء وخاصة في الشعر اللي باللهجه العاميه وده اللي ميزه فعلا.
دواوين..
انتج عمر دواوين كثيرة منهم:
□سيلفي
□ المهنه برقص
□ على ناصية الشاعر
□ ناس كافيه
ومن أكثر الدواوين اللي حققت نجاح كبير هي" باندا "و" مثله "وكتاب من الأدب النثري بعنوان "أحدهم".
الجوائز..
أخذ عمرو جائزة الشعر من الهيئه العامه لقصور الثقافه، و جائزة الشعر في اسبوع الجامعات، وجائزة ساقية الصاوي التشجيعية، وجائزة مجلة الثقافة الجديدة لأفضل ديوان، وجائزة معهد جوته الألماني، كما حاز على جائزة أحمد فؤاد نجم عن ديوان "باندا" افضل ديوان في شعر العامية لعام 2016.
○○: لو كنتي استنيتي شوية.. كان ممكن نتنيل… نتجوز.. ونجيب اطفال سزج تشبهنا..
●●: والله !
○○:هو ده عمرو حسن مستغربة ليه.. سمعتي وحشتيني٣ ؟
●●: دي اغنيه بردو!
○○: اه والله اغنيه… وانتِ بردو مقدرش اكدب.
●●: طب يلا يا حنين عشان الساعه 6:00 والدنيا بقت تلج.. نسمعها في المواصلات.
تعليقات
إرسال تعليق